Սեպտեմբերի 29-ին աշխարհում նշվում է Սրտի համաշխարհային օրը։

Սեպտեմբերի 29-ին աշխարհում նշվում է Սրտի համաշխարհային օրը։ Այս առիթով «Սուրբ Գրիգոր Լուսավորիչ» բժշկական կենտրոնը հպարտությամբ ներկայացնում է սրտաբանական բաժանմունքի մասնագետների ձեռքբերումներն միջազգային հարթակներում, որոնք նպատակ ունեն շարունակաբար բարելավել պացիենտներին տրամադրվող բժշկական օգնության և սպասարկման որակը: «Սուրբ Գրիգոր Լուսավորիչ» բժշկական կենտրոնի սրտաբանները մասնակցել են Սրտաբանության եվրոպական ասոցիացիայի (ESC) տարեկան համագումարին՝ ESC Congress 2026, որը տեղի է ունեցել Մյունխենում։ Համագումարը միավորել է աշխարհի տարբեր երկրներից սրտաբանների և առողջապահության բնագավառի մասնագետների՝ ներկայացնելով սրտաբանության վերջին գիտական ձեռքբերումները, նոր կլինիկական հետազոտությունները և միջազգային ուղեցույցների արդի մոտեցումները։ Այս տարվա հիմնական ուղղությունների թվում էին՝

• Արյան շրջանառության համակարգի հիվանդությունների կանխարգելում
• Սրտային անբավարարություն և կարդիոռեաբիլիտացիա
• Սուր կորոնար համախտանիշ
• Ինտերվենցիոն սրտաբանություն
• Ժամանակակից պատկերային ախտորոշում
• Թվային տեխնոլոգիաներ և արհեստական բանականության կիրառումը սրտաբանության մեջ

Մյունխենում համագումարին մասնակցել են մեր բժիշկները․

• Իրինա Հովհաննիսյանը (առցանց ձևաչափով)
• Արմինե Աբրահամյանը
• Սոնա Մելիք-Ստեփանյանը
• Շուշան Ղումաշյանը
• Անահիտ Գորոյանը
• Աստղիկ Թազայանը
• Լիանա Եղիազարյան (առցանց ձևաչափով)

Ինչո՞ւ է սա կարևոր մեզ համար։ Միջազգային մասնագիտական հարթակներում մեր բժիշկների մասնակցությունը հնարավորություն է տալիս մշտապես հետևել ոլորտի զարգացմանը, ծանոթանալ առաջատար փորձին և գնահատել նորագույն ապացուցողական մոտեցումների կիրառելիությունը մեր կլինիկական պրակտիկայում։ Գիտելիքն արժեք է դառնում այն ժամանակ, երբ վերածվում է ավելի որակյալ բժշկական օգնության։ Հենց այդ նպատակով, «Սուրբ Գրիգոր Լուսավորիչ» բժշկական կենտրոնը շարունակաբար ներդրում է կատարում իր մասնագետների կրթության, մասնագիտական զարգացման և միջազգային լավագույն փորձի ուսումնասիրման մեջ։