«Սուրբ Գրիգոր Լուսավորիչ» ԲԿ ՓԲԸ-ի պետական բժշկական քոլեջը հայտարարում է 2026-2027 ուսումնական տարվա ընդունելություն

• Պետական կարգավիճակ
• 5 պահանջված մասնագիտություն
• Դիպլոմ, որը ճանաչելի է ԱՄՆ-ում, ԱՊՀ երկրներում
• Նոր չափորոշիչներով կրթական ծրագրեր
• Երաշխավորված պրակտիկա և աշխատանք

Հարգելի՛ դիմորդներ և ծնողներ, «Սուրբ Գրիգոր Լուսավորիչ» ԲԿ ՓԲԸ-ի պետական բժշկական քոլեջն իրականացնում է 2026-2027 ուսումնական տարվա ընդունելություն՝ համաձայն ՀՀ կրթության, գիտության, մշակույթի և սպորտի նախարարության կողմից հաստատված նոր ընդունելության կարգի:

Այս ուսումնական տարվանից մասնագիտական ուսումնական հաստատությունների ընդունելության գործընթացն ամբողջությամբ իրականացվում է էլեկտրոնային եղանակով՝ Կրթության կառավարման տեղեկատվական համակարգի միջոցով:

Հայտագրման գործընթացը կատարվում է երկու փուլով.

Քայլ 1. Մուտք գործեք my.emis.am հարթակ և ստեղծեք կամ ակտիվացրեք ձեր անձնական էջը (Դիմորդի անչափահաս լինելու դեպքում նույնականացումը կատարվում է ծնողի կողմից)

 Քայլ 2. 2026 թվականի հուլիսի 10-ից մուտք գործեք hayt-college.emis.am ընդունելության էլեկտրոնային հարթակ, ընտրեք «Սուրբ Գրիգոր Լուսավորիչ» ԲԿ ՓԲԸ-ի պետական բժշկական քոլեջը և ձեր նախընտրած մասնագիտությունը, ապա լրացրեք և ներկայացրեք ընդունելության հայտը:

Հայտերի ընդունման ժամկետները՝
առաջին փուլ՝ մինչև հուլիսի 24-ը՝ ժամը 18:00-ն,
երկրորդ փուլի ընդունելությունը, թափուր տեղերի առկայության դեպքում, կիրականացվի օգոստոսի 14-18-ը:

Կարևոր է իմանալ.

• Հայտագրումն իրականացվում է բացառապես առցանց եղանակով։
• Մի շարք փաստաթղթեր և տվյալներ համակարգ ներբեռնվում են ինքնաշխատ եղանակով։
• Դիմորդը կարող է դիմել մեկ ուսումնական հաստատության մեկ մասնագիտության համար։
• Հայտի հաստատումից հետո անհրաժեշտ է սահմանված ժամկետներում քոլեջ ներկայացնել փաստաթղթերի բնօրինակները։ Ժամկետների վերաբերյալ կստանաք հաղորդագրություն։

Ավելին՝

https://escs.gov.am/articles/announcements/40

Լրացուցիչ տեղեկությունների և խորհրդատվության համար կարող եք դիմել քոլեջի ընդունող հանձնաժողովին.

Հասցե՝ ք. Երևան, Գյուրջյան 8

Հեռախոս՝ 055440879, 055440887, 055440891

Էլեկտրոնային հասցե՝ [email protected]