Անոթային նյարդավիրաբուժության բաժանմունք

Սուրբ Գրիգոր Լուսավորիչ Կլինիկայի անոթային նյարդավիրաբուժության բաժանմունքը (A3 հարկ) մասնագիտացված է նյարդային համակարգի անոթային պաթոլոգիաների, վնասվածքների և ուռուցքների բուժման մեջ: Բաժանմունքն իրականացնում է Հայաստանում եզակի միջամտություններ՝ կիրառելով էնդովասկուլյար և միկրովիրաբուժական մեթոդներ: Այստեղ կատարվում են անևրիզմաների օբլիտերացիա, թրոմբէկտոմիա, ինչպես նաև գլխուղեղի ու ողնաշարի գոյացությունների հեռացում: Բարդ վիրահատությունները, այդ թվում՝ նեյրոնավիգացիոն միջամտությունները և ողնաշարի ֆիքսացիան, իրականացվում են միջազգային արդի չափորոշիչներին համապատասխան: