Ուլտրաձայնային հետազոտությունների ծառայություն

Սուրբ Գրիգոր Լուսավորիչ Կլինիկայի ուլտրաձայնային հետազոտությունների ծառայությունը գործում է ախտորոշիչ բաժանմունքի կազմում: Այստեղ իրականացվում է օրգանների և համակարգերի բազմապրոֆիլ ախտորոշում՝ կիրառելով անվտանգ ու բարձր տեղեկատվական համակարգչային տեխնոլոգիաներ: Հետազոտությունների ցանկն ընդգրկում է որովայնի, փոքր կոնքի, վահանաձև գեղձի, կրծքագեղձի և հոդերի ՈւՁՀ, ինչպես նաև վերին ու ստորին վերջույթների և գանգային անոթների դուպլեքս սկանավորում: Ծառայության շրջանակներում հետազոտվում են նաև ավշային համակարգը, թոքերը և փափուկ հյուսվածքները: Բժշկական անձնակազմի փորձն ու արդիական սարքավորումներն ապահովում են ճշգրիտ ախտորոշումը՝ նպաստելով բուժման արդյունավետ ընթացքին: