Վերականգնողական ծառայություն

Սուրբ Գրիգոր Լուսավորիչ Կլինիկայի վերականգնողական ծառայությունը բազմապրոֆիլ ստորաբաժանում է, որն ապահովում է մեծահասակների և երեխաների բժշկական վերականգնումը հիվանդանոցային ու արտահիվանդանոցային պայմաններում։ Ծառայությունն ընդգրկված է ինտենսիվ խնամքի, նյարդաբանական, վնասվածքաբանական և մանկաբուժական բաժանմունքների աշխատանքներում։ Մասնագիտական թիմը՝ վերականգնողաբանները, կինեզիստները, հոգեբաններն ու լոգոպեդները, մշակում են անհատական բուժման պլաններ։ Կիրառվում են բուժական մերսման տարբեր մեթոդներ և կինեզաթեյփավորում՝ պացիենտների ֆունկցիոնալ կարողությունների լիարժեք վերականգնման նպատակով։