Նեֆրոլոգիայի ծառայություն

Սուրբ Գրիգոր Լուսավորիչ Կլինիկայի նեֆրոլոգիական բաժանմունքը տեղակայված է թերապևտիկ մասնաշենքի 3-րդ հարկում: Այստեղ իրականացվում է երիկամների քրոնիկ և սուր հիվանդությունների համալիր ախտորոշում ու բուժում: Ծառայությունը մասնագիտացված է գլոմերուլյար ախտահարումների, համակարգային հիվանդությունների ժամանակ երիկամների վնասման, դիաբետիկ նեֆրոպաթիայի և ժառանգական պաթոլոգիաների կառավարման մեջ: Բաժանմունքում բժշկական օգնություն է ցուցաբերվում նաև երիկամների սուր վնասման և տուբուլոինտերստիցիալ նեֆրիտների դեպքում: Արհեստավարժ անձնակազմն ապահովում է պացիենտների խնամքը՝ հիմնվելով արդի նեֆրոլոգիայի միջազգային չափորոշիչների վրա: