Կանանց կոնսուլտացիայի բաժանմունք

Սուրբ Գրիգոր Լուսավորիչ Ծննդատան կանանց կոնսուլտացիայի բաժանմունքն իրականացնում է հղիների հաշվառում, սկրինինգային հետազոտություններ և բարձր ռիսկի հղիությունների մասնագիտացված հսկողություն: Ծառայությունն ընդգրկում է «Մայրության դպրոցի» դասընթացներ, հետծննդաբերական խնամք և ռեպրոդուկտիվ առողջության հարցերով խորհրդատվություն, ներառյալ անպտղության բուժումն ու արտամարմնային բեղմնավորումը: Բաժանմունքում կատարվում են գինեկոլոգիական զննումներ, ՈւՁՀ, ԿՏԳ, ՊԱՊ քսուքի քննություն և կոլպոսկոպիա: Բազմապրոֆիլ կենտրոնի հնարավորությունները թույլ են տալիս ապահովել կանանց առողջության լիարժեք հսկողությունն ու բժշկական պատշաճ սպասարկումը: