Հղիների ախտաբանության բաժանմունք

Սուրբ Գրիգոր Լուսավորիչ Ծննդատան» հղիների ախտաբանության բաժանմունքն իրականացնում է մանկաբարձական և սոմատիկ բարդ խնդիրներ ունեցող հղիների համալիր բժշկական սպասարկում: Այստեղ բուժվում են սպառնացող վիժման, գերճնշման, շաքարային դիաբետի, սիրտ-անոթային և նյարդային համակարգի հիվանդություններով պացիենտները: Գործակցելով բազմապրոֆիլ կենտրոնի այլ բաժանմունքների հետ՝ ապահովվում են դժվարամատչելի լաբորատոր քննություններ, պտղի դոպլեր, ԿՏԳ և նեղ մասնագիտական խորհրդատվություններ: Կիրառվում են ախտորոշման ինվազիվ մեթոդներ և արդի բուժական մոտեցումներ՝ երաշխավորելով մոր և պտղի անվտանգությունը հղիության ողջ ընթացքում: